Home » Buhay Guro » DepEd Teachers’ Overtime and Service Credits

DepEd Teachers’ Overtime and Service Credits

Ang compensation o remuneration ay bayad sa pagtatrabaho ng empleyado o mga benepisyo gaya ng bonuses at allowances. Ayon sa Section 20 ng Magna Carta for public school teachers, ang mga ito ay dapat ibigay sa pamamagitan ng Legal Tender o pera. Walang nabanggit sa naturang Magna Carta tungkol sa bayad sa pamamagitan ng service credits.

Nagkakaroon ng additional compensation kapag ang teacher ay nag overtime o pinagturo ng lampas na sa anim na oras. Ayon sa Section 14 ng Magna Carta for Public School Teachers, ang overtime ay equivalent sa 1.25% ng regular remuneration. (Sec. 14, RA 4670).

Ayon naman sa Civil Service Commission at DBM, ang overtime pay ng lahat ng empleyado ng gobyerno ay 1.25% ng hourly rate on scheduled workday at 1.5% naman kung pinagtrabaho ng rest day, scheduled day off, holiday, o special non-working day. (Sec. 9.4 ng CSC-DBM JC No. 1, s. 2015)

Nakasaad naman sa DepEd Order 53, 2003 na kapag ang overtime pay ay hindi possible, maaaring bigyan ang guro ng service credit. Ang isang work day service credit ay gagamiting para ma offset ang isang araw na pag absent kung may sakit ang teacher. Mapapansing nawala na ang additional na 25% na sinasabi sa Magna Carta at CSC-DBM JC No. 1, s. 2015.

Sa DepEd Memorandum 291,s. 2008, nilinaw na sa pagkakataong walang available na pondo, ang one hour overtime work ay katumbas ng 1.25 hours na gagamiting basehan sa pagkwenta ng service credits. Ngayon, nasusunod nga ba ang 1 hour overtime = 1.25 hours service credit?

Pansinin naman natin ang nakasaad sa DepEd Memorandum 66, 2018 sa pagbibigay ng service credits sa mga serbisyo sa Brigada Eskwela. Kapag nakumpleto daw ang anim na araw na partisipasyon, may tatlong araw daw na matatanggap na service credits. Ano kaya ang naging basehan ng kwentada na ang isang araw na pagseserbisyo ay katumbas na lang ng kalahating araw na service credit?

Kung susuriin ang mga nakasaad sa special law na RA 4670, CSC MC 41, s. 1998, CSC-DBM Joint Circular No. 1, s. 2015, DM 291, s. 2008 masasabi ba natin na ang mga guro ay walang katwiran na magtaka sa pagbibigay ng kasalukuyang patakaran ukol sa overtime o service credit? Oo, maliit lang ang 25%, pwedeng ipagkibit balikat na lamang dahil sanay naman tayong magbigay ng libreng serbisyo. Ang 50% na nawala sa Brigada Eskwela ay pwede ring tanggapin ng bukal sa loob dahil sabi nga ng mga kulang ang pang unawa sa kung ano ang Proportional Vacation Pay (PVP), sumusweldo naman daw tayo tuwing bakasyon kahit hindi nagtatrabaho. Pero ang karapatan na ipinagkait sa nararapat na makatanggap ay kahalintulad na rin sa pagyurak sa pagkatao at pagiging propesyonal ng mga guro.

Share with your friends!

Margarita Lucero Galias

Margarita L. Galias began her career in education as a high school math and physics teacher in Immanuel Lutheran High School in Malabon City and Manila Central University, Caloocan City before serving as a public school teacher in Sorsogon City in 1995. She was a university scholar and graduated cum laude with a bachelor’s degree in Education, major in Math-Physics from De La Salle Araneta University. She also holds a master’s degree in Management, major in Administration and Supervision from Sorsogon State College. She is now currently employed in Mercedes B. Peralta Senior High School as a classroom teacher and a guidance counselor designate.

2 thoughts on “DepEd Teachers’ Overtime and Service Credits”

  1. Pano po kaya pag ako ay on-leave pero nagrereport pa rin minsan sa school para gumawa ng report. tulad ng closing, magko-compute ng grades, magre-reading ng school forms bigayan ng cards at certificates, at emergency meetings. Pwede po ba ako bayaran ng overtime pay. Tanong lang po. Salamat sa kasagutan.

    Reply

Leave a Comment

Can't Find What You'RE Looking For?

We are here to help - please use the search box below.