Minarapat ng Kagawaran ng Edukasyon sa pangunguna ng Bureau of Curriculum Development ang pagbuo ng pinakamahahalagang kasanayang pampagkatuto (most essential learning competencies) upang tugunan ang mga hamong kaakibat ng COVID-19 tulad ng mas maikling panahong pagpasok sa paaralan, limitadong interaksyon sa pagitan ng mag-aaral at guro, at mga kaugnay na hamon na may kinalaman sa instructional delivery.
Pinapanatili ng MELCs ang mga pangunahing layunin sa pag-aaral ng Araling Panlipunan tulad ng pagpapaunlad ng pansibikong kaalaman at kagalingan, mapanagutang mamamayan, at iba pa.
Sa pagtukoy ng MELCs, ginamit ang pamantayang enduring (life-long learning) – mga kaalamang nananatili sa mahabang panahon na magagamit ng mga mag-aaral sa kanilang pamumuhay.
Kalakip ng pamantayang nabanggit ang pagsasaalang-alang ng pagsasakatuparan ng pamantayang pangnilalaman at pagganap na makikita sa bawat kwarter o markahan.
DOWNLOAD: Most Essential Learning Competencies (MELCS) for School Year 2022-2023
Paano gagamitin ang MELCs sa pagtuturo?
Layunin ng pagbuo ng MELCs ay matulungan ang mga guro na matukoy ang mahahalagang kasanayang pampagkatuto upang sa gayon ay mabigyan ito ng prayoridad at maging batayan sa kanilang mga desisyong instruksyonal at hindi upang palitan ang kasalukuyang curriculum guide.
Ang mga MELC ay hinango mula sa mga learning competencies ng K to 12 Araling Panlipunan Curriculum Guide kung saan, ito ay pinag-aralan kung retained, merged, rephrased, subsumed o deleted katulad ng nasa talahanayan sa ibaba:
| MELCs | Uri ng Batayan / Paliwanag | Halimbawa (Learning Competency/-ies mula sa K to 12 Curriculum Guide) |
|---|---|---|
| ‘Nasasabi ang batayang impormasyon tungkol sa sarili: pangalan, magulang, kaarawan, edad, tirahan, paaralan, iba pang pagkakakilanlan at mga katangian bilang Pilipino’ (AP1, Quarter 1). | Retained itinuturing na esensyal kaya hindi nirebisa o nanatili sa dati nitong anyo o artikulasyon tulad ng makikita sa K to 12 Curriculum Guide | ‘Nasasabi ang batayang impormasyon tungkol sa sarili: pangalan, magulang, kaarawan, edad, tirahan, paaralan, iba pang pagkakakilanlan at mga katangian bilang Pilipino’ (AP1, Quarter 1). |
| *Naipaliliwanag ang konsepto ng komunidad’ (AP2, Quarter 1) | Merged magkakaugnay, magkakahalintulad, o bahagi ng isang paksa na pinag-isa na lamang sa pamamagitan ng pagbuo ng bagong PP pagsasama-sama ng ilang learning competencies upang mapaikli ang panahon ng pagtuturo nang hindi isinasantabi ang pagbibigay tuon sa paglinang ng pagpapahalaga (valuing) at pagsasabuhay nito | a. Nauunawaan ang konsepto ng ‘komunidad’, b. ‘Nasasabi ang payak na kahulugan ng ‘komunidad’ at c. Nasasabi ang mga halimbawa ng ‘komunidad’ |
| *Naipamamalas ang pagpapahalaga sa pagkakatulad at pagkakaiba-iba ng mga kultura gamit ang sining na nagpapakilala sa lalawigan at rehiyon (e.g. tula, awit, sayaw, pinta, atbp.) (AP 3, Quarter 3) | Rephrased sumailalim sa pagpapalit ng learning verb, salita, o grupo ng mga salita upang gawin itong mas tiyak , malinaw, o komprehensibo pagsasaayos ng learning competency/-ies upang higit itong maging malinaw sa guro | ‘Naipapakita sa iba’t-ibang sining ang pagmamalaki sa mga natatanging kaugalian, paniniwala at tradisyon ng iba’t ibang lalawigan sa kinabibilangang rehiyon'(AP3PKR- IIIh-9). |
| Nailalapat ang kahulugan ng ekonomiks sa pang-araw- araw na pamumuhay bilang isang mag-aaral, at kasapi ng pamilya at lipunan (AP 9, Quarter 1) | Subsumed magkakaugnay, magkakahalintulad, o bahagi ng isang paksa na ipinagpapalagay na nakapaloob na sa nakapag-iisang (independent) MELC | a. Naipakikita ang ugnayan ng kakapusan sa pang-araw- araw na pamumuhay b. Natutukoy ang mga palatandaan ng kakapusan sa pang-araw-araw na buhay. c. Nakakabuo ang konklusyon na ang kakapusan ay isang pangunahing suliraning panlipunan d. Nakapagmumungkahi ng mga paraan upang malabanan ang kakapusan |
| Deleted hindi isinama sa ibang uri ng PPs dahil ito ay hindi esensyal, at ang pagtatanggal dito ay halos walang epekto sa pagkakamit ng pamantayang pangnilalaman/pagganap | Nasusuri ang mga tungkulin ng iba’t- ibang organisasyon ng negosyo (LC 22, AP 9, Quarter 1) |
Tulad ng curriculum guide, ang MELCs ay batayan ng guro sa lalamanin ng kanilang pagtuturo sa Taong Pampaaralang 2020-2021. Bawat kasanayang pampagkatuto ay may malawak na paksa at kasanayan. Ito ay inaasahang ia-unpack ng guro sa kanyang DLP o DLL upang mabigyang pansin ang mga batayang konsepto at kaalaman na siyang kakailanganin sa pagsasakatuparan nito. Lahat ng MELCs ay inaasahang tutugon sa pamantayang pangnilalaman at pamantayan sa pagganap.
READ: Guide for Teachers in using the Kindergarten Most Essential Learning Competencies (MELCs)
Please allow me to look at this page.Thank you and God bless.